Echibini Legazi

Mthwakazi kaNdaba, nanti iqoqo eslithulela lona elezindatshana ezilotshwe ngabafundi beMabhikwa High School emkhonweni weLupane. Liqoqo elimumethe izindikima ezahlukileyo eziphuma empilweni esiyiphila kelezi izinsuku. Kukhona umona, ubuqili, ukungathembeki, ubudlova lokuzenza iqhalaqhala.

Izehlakalo ezilapha ngesihlangana lazo lamhla. Abanye bathi bangaswela imisebenzibabhekise amabombo eGoli. Abanye basuka balingeke babe ngumhlambi kazalusile baze bahuge labanye ababdonsele egodini lempilo yobutshapha. Imisebenzi lobuqilibezinyanga kubaluliwe, kanti lemisebenzi yamaKristu sihlangana layo kuleli iqoqo.

Ezinye zezindatshana zitshaqisa umzimbakubophane inwelw kuthi ezinye zikulethele usizi olukhulu kakhulu. Uzakhala ziqume umbombo, uhleke kevele imidlambulo. Phela ulimi olusetshenzisiweyo lapha lunonile, lujiyile kanti futhi luyahlabusa. Uzafumana ukusetshenziswa kwezaga, izenzukutho lokunye okuhlobisa ulimi luze luqhakaze njengamaluba asasevandeni.

Ukutshelwa yikuncitshwa, kanti lembila yaswela umsi;la ngokulayezela.